【反送中】連日追post感絕望　連登網民籲放下手機休息︰一個都不能少

「反送中」風波中再有人輕生，昨日（29日）一名21歲女大學生在粉嶺嘉福邨墮樓身亡，女生墮樓前用紅筆在24樓梯間牆上寫「反送中」及約100字文章，要求政府撒回修例，引起網民極大迴響。連登網民出帖文呼籲，「反送中」是一場長途戰，假若巴絲打上網追post愈來愈感到絕望，就應放下手機休息，「香港人一個都不能少」。

女生墮斃消息一出，有連登巴打出帖文呼籲大家不要犧牲自己，因在這場運動中，有很多同路人一起撐住。

如果少咗你一個……只會令香港依個地方少咗一個關心同珍惜佢既（嘅）人。

巴打又言，今次運動是長期作戰，每日都會花好多時間上連登及Facebook追post，正常人都會愈來愈感到絕望，無力感重。巴打呼籲，如果有人無辦法舒緩這種絕望感，衷心希望他們不要再上連登不要看新聞，狠心剷除所有app和專頁。

好好比自己休息一下！去下吃喝玩樂！等自己做返年輕人應該做既（嘅）事……開開心心過日子。

很多巴打絲打一呼百應，同意「休息先可以走得更長遠」、「唔好以為休息係避免，等你ready先歸隊啦」，還要緊記不要胡思亂想，如果真的忍不住上網追post，不如「開個post搵大家傾下，我地（哋）一定會陪住大家」。

有巴打亦訴苦稱，現在不睇相關新聞及追post、「去少一日野餐」都好大罪惡感，連出街食飯、看書睇戲都覺得不應該，覺得自己有病態。有巴打回應指，如果已察覺自己情緒不穩，一定要找朋友或家人傾訴，「我哋真係唔可以再失去多一個同路人」。

我想講個現實俾你哋聽，你永遠叫唔醒裝睡的人，你嘅離開只係折損自己一方嘅力量，你連死都唔怕，一定有更強大嘅力量，來日可以發揮。HKers don’t surrender！